Qazirgi ýaqytta qolyna kitap ustaǵan studentti, ásirese emtihanǵa kitap oqyp daıyndalatyn stýdentti óte sırek kezdestiremiz. Ókinishimizge oraı, elektrondy oqýlyktar kitaptardy ysyryp tastaǵandaı. Biz ómir súrip jatqan ýaqytta kitaptar elektrondy túrde áldeqaıda qoljetimdi.
Qazirgi kezde kózimiz úırenip te qaldy: koshede de, qoǵamdyq kólikterde de stýdentter ózderiniń gadjetterine úńilýmen bolady.
Qaısybir ýaqyttarda bizdiń elimiz kitapty eń kóp oqıtyn elderdiń qataryna jatatynyn maqtan tutyp edik. Sol ýaqyttaǵy jas býyn ókilderi kitapty jastanyp uıyqtaıtyn-dy.
Kelisemin, stýdentter jataqhanasyndaǵy ózimniń kezekti kezekshilik ýaqytymda emtihanga qarapaıym kitappen daıyndalyp otyrǵan stýdentti kórgende qatty tań qaldym. Qolynda – H.Sýerbaevtyń «Munaı-gaz isiniń negizderi» atty oqýlyq. Múmkin osynshama tań qalýdyń qajeti de jok shyǵar, sebebi bul – «Serpin» baǵdarlamasy boıynsha bilim alyp jatqan MGI-16-1 q/t stýdenti, ári ýniversitet belsendisi Berdikeeva Tilektes.
Málimet bere keteıik, qaǵaz oqýlyktan alynǵan aqparat elektrondy oqýlyktan alynǵan aqparattan on ese artyq. Ár túrli synaktar men tájirıbelerge negizdeı otyryp, ǵalymdar osyndaı qorytyndyǵa kelgen eken.
Sondaı-aq jataqhana sektsıalarynda 501 A bólmesiniń stýdentteri «Tazalyqty saqtaıyq» sózi jazylǵan qaǵaz ilip qoıǵan. Jataqhana – ol seniń úıiń, ol jerde tazalyqty ustanýyń qajet.
Bárimizge belgili sóz bar, Jańa jyldy qalaı qarsy alsań, jyl boıy solaı ótkizesiń deidi ǵoı. Al eger Jańa jylda bólmeni qoldan jasalǵan plakattarmen bezendirse, onda kelgen jyl da dál solaı ádemi otpek! Dál osyndaı ásemdikti A podezindegi 303 A bólmesinen kezdestirýge bolady.
Osydan mynadaı túıinge keluge bolady: birinshiden, adamdy adam etken – kitap, al adamzat etken – kitaphana. Sondyktan bilim men ǵylymdy meńgergen bilikti maman, óz isiniń sheberi bolǵymyz kelse, bizdiń eń birinshi dosymyz kitap bolýy kerek. Al ekinshiden, ıá, bizdiń ómirimiz óz qolymyzda. Ony ózimiz qalaı jasaımyz, solaı ótpek. Sondyktan aldyńa maqsat pen mindet qoıyp, soǵan jetý jolynda josparyńdy naqtylap, el úshin esimi úlken áriptermen jazylatyn tulǵa bolýǵa jumystaný kerek.
