Оқу жылы алдындағы көмек
«Нұр Отан» партиясы Атырау облыстық филиалының ұйымдастыруымен дәстүрлі «Мектепке жол» қайырымдылық акциясына КЕ АҚ «Атырау Мұнай және газ университеті» де өз үлесін қосты.
Акцияның басты мақсаты- аз қамтылған және көп балалы отбасылар, жетім балалар мен ата-ана қамқорлығынсыз қалған балаларды жаңа оқу жылына дайындау үшін көме көрсету.
Университет тарапынан көпбалалы ана Мұратова Айдананың отбасына заттай және қаржылай көмек көрсетілді. Отбасында тәрбиеленіп жатқан 4 баланың 3-еуі мектеп жасындағылар. Балалар университет ұжымы сыйға берген жаңа оқу құралдарын алып, өз қуаныштарын жасыра алмады. Өз кезегінде ата-ана да университет әкімшілігіне көрсеткен көмектері үшін ризашылығын білдірді.