«Экономика, менеджмент және бухгалтерлік есеп» кафедраcының меңгерушісі - э.ғ.д.,профессор Баймұхашева Мәншүк Қонысбайқызы, ұялы тел: 8 778 680 77 52, e-mail: [email protected]

 

«Экономика, менеджмент және бухгалтерлік есеп» кафедрасының даму тарихы

«Экономика, менеджмент және бухгалтерлік есеп» кафедрасы Сафи Өтебаев атындағы Атырау мұнай және газ университетінің мамандарын дайындайтын кафедрасы болып табылады. Кафедра 1993 жылы 20 сәуірде құрылып, өз қызметін бастады. Онда Қазақ политехникалық институтының Атырау филиалында «Экономика және отын-энергетика кешенін ұйымдастыру» кафедрасын ашу туралы бұйрыққа қол қойылды. 1993 жылдан бастап кафедра 0713 «Кәсіпорындағы экономика және менеджмент» мамандығы бойынша инженер-экономистерді даярлай бастады.

Қазіргі уақытта кафедра 6В04101 – «Экономика», 6В04102 – «Менеджмент», 6В04103 – «Есеп және аудит», 6В04104 – «Қаржы» мамандықтары бойынша, 2019-2020 оқу жылынан бастап 6В04101 – «Мұнай-газ бизнесі экономикасы», 6В04102 – «Мұнай-газ бизнесі менеджменті», 6В04103 – «Мұнай-газ бизнесінің есебі және аудиті», 6В04104 – «Мұнай-газ бизнесінің қаржысы» БББ бойынша бакалаврларды даярлайды. Сонымен қатар, 6М050600 – «Экономика», 7М04101 – «Мұнай-газ бизнесінің экономикасы»  білім беру бағдарламасы бойынша магистратурада мамандарды даярлауды жүзеге асырады.

2015-2016 оқу жылында «Есеп және аудит» кафедрасы «Экономика және менеджмент» кафедрасымен біріктіріліп, «Экономика, менеджмент және бухгалтерлік есеп» кафедрасы болып өзгертілді. Қазіргі уақытта кафедраға экономика ғылымдарының докторы, профессор Баймұхашева Мәншүк Қонысбайқызы жетекшілік етеді.

Кафедра құрамында 21 адам жұмыс істейді, оның ішінде: 3 экономика ғылымдарының докторы, 1 PhD докторы, 4 экономика ғылымдарының кандидаты, 7 доцент , 7 аға оқытушы-магистр.

Білім беру сапасының кепілі жоғары білікті профессорлық-оқытушылар құрамы болып табылады. Кафедрада үлкен жұмыс тәжірибесі бар оқытушылар сабақ жүргізеді: э.ғ.д., профессор Карамурзиев Т.К., э.ғ.д., профессор Баймухашева М.К., э.ғ.к., профессор Жалғасбаева А.А., э.ғ.к., профессор Оспанов Р.Д., э.ғ.к. Избасарова Л.Б., PhD докторы Кадырбергенова А.К., доценттер Имашева Ж.О., Нурмуханбетова Л.К. және т.б.

«Экономика, менеджмент және бухгалтерлік есеп» кафедрасының құрамы

Карамурзиев Т.К.	э. ғ. д., профессор
Баймухашева М.К.	э. ғ. д., профессор, кафедра  меңгерушісі
Чердабаев М.Т	э. ғ. д. профессор
Жалгасбаева А.А	э. ғ. к., профессор, факультет деканы
Оспанов Р.Д	э. ғ. к., профессор
Нурсултанова К.Н.	э. ғ. к., аға оқытушы
Избасарова Л.Б.	э. ғ. к.,  доцент
Кадырбергенова А.М.	доцент, доктор PhD
Нурмухамбетова Л.К.	доцент  ,магистр
Утебалиева Г.Т.	доцент
Имашова Ж.О	доцент   ,магистр
Дингазиева  Б.Д	доцент   ,магистр
Багитова Р.Ж.	доцент   ,магистр
Жантелеуова Г.М.	аға оқытушы, магистр
Есмаганбетова К.К.	аға оқытушы, магистр
Байбатырова Г.Т.	аға оқытушы, магистр
Маликова А.М.	аға оқытушы
Сарсенгалиев Т.К.	аға оқытушы, магистр
Ажмаганбетова М.Ч.	аға оқытушы, магистр
Шайкенов Ж.Ш.	аға оқытушы, магистр
Исмагулова Н.К.	оқытушы, магистр

 

Кафедра  бойынша білім беру бағдарламасының кәсіби-біліктілік сипаттамасы

6В04101 – «Мұнай-газ бизнесі экономикасы», 6В04102 – «Мұнай-газ  бизнесі  менеджменті», 6В04103 – «Мұнай-газ бизнесіндегі есеп және аудит», 6В04104 – «Мұнай-газ бизнесіндегі қаржы»  бағыттары  бойынша  білім алушыларды оқыту және  дайындау жүргізіледі.

Бизнес және басқару бакалавр дәрежесі беріледі.

Барлығы: 240 академиялық  кредит / 240 ECTS.
Оқытудың типтік ұзақтығы: 4 жыл және 3 жыл ( ОКБ негізінде, АЖГ және  ЖБ-2 жыл).  Кәсіби пән – география және математика.

6В04101 – «Мұнай-газ бизнесі экономикасы»

«6B04101 – Мұнай-газ  бизнесі экономикасы» білім беру бағдарламасының мақсаты экономика, басқару және бизнес аясында  жоғары білікті бакалаврларын дайындауға мүмкіндік беретін білім беру құрылымдарының қалыптастыру,    экономикалық  өсім мәселелерін шешуге, экономиканы дамытудың, кәсіпкерліктің   стратегиялық баламаларын қалыптастыруға  қабілетті, заманауи кәсіпорындар мен нарықтық құрылымдар талабына сай бакалаврларды дайындау.  

Кәсіби сала аясы

Бизнес және басқару бакалавры экономист, мұнай және газ кәсіпорындарының экономикалық бағыттағы менеджері, мұнай-газ бизнесі, ұлттық экономиканың барлық салалары, экономикалық қылмыстарды тергеу немесе салық қызметі маманы, мемлекеттік кірістер, талдаушы, лизинг және банк қызметтері саласындағы маман, бизнес құрылымдар және тағы басқалар

Сонымен қатар, осы саладағы түлектер болашақта экономика, менеджмент және бизнес саласында көшбасшы, маман және басқа да мемлекеттік лауазымды тұлғалар ретінде өз кәсіби қызметін жүзеге асыра алады.
Бітірушілердің кәсіптік қызмет  нысандары

• Мұнай-газ саласының шаруашылық субъектілері, ұлттық экономика;
• Экономикалық , қаржылық , салықтық, инвестициялық, кәсіпкерлік басқару органдары (министрліктер, ведомстволар мен агенттіктер);
• Жергілікті атқарушы органдар (аудандардың, қалалардың, облыстардың әкімдіктері) және атқарушы органдардың аппараттары;
• Ұйымдастырушылық-құқықтық нысандарға қарамастан, ұйымдардың экономикалық, қаржылық, маркетингтік, кәсіпкерлік, өндірістік, экономикалық және аналитикалық қызметтері;
• Банк және бизнес құрылымдары;
• Қазақстан Республикасының Мемлекеттік қызмет істері және сыбайлас жемқорлыққа қарсы іс-қимыл агенттігі;
• Ұлттық мемлекеттік және жеке компаниялар, коммерциялық емес ұйымдар, халықаралық ұйымдар, концерндер, корпорациялар және басқалар.

«7М04101 – Мұнай-газ бизнесі экономикасы» Магистратура
«7М04101 – Мұнай-газ бизнесі экономикасы» білім беру бағдарламасының мақсаты – экономика,  басқару және бизнес саласындағы заманауи теориялық және тәжірибелік білімдерге ие, заманауи кәсіпорындар мен нарық құрылымдары, ғылыми-зерттеу институттары талап ететін, кез келген меншік нысанын ұйымдастыруды табысты дамытуға, ішкі және сыртқы бәсекеге қабілеттілігін халықаралық нарықта қамтамасыз етуге қабілетті  жоғары білікті мамандарды дайындау.

Ғылыми дәрежесі: экономика ғылымдарының магистрі / Бизнес және  басқару  магистрі

Барлық кредиттер: 120/90 академиялық кредит   ECTS

Әдеттегі оқу ұзақтығы: 2 жыл / 1,5 жыл

Кәсіби сала аясы

Экономика саласында магистр дәрежесін алған жоғары білікті мамандар жоғары оқу орындарында және жалпы білім беру мекемелерінде, ғылыми ұйымдар мен құрылымдарда, сондай-ақ мұнай-газ саласының барлық кәсіпорындарында, бизнес-құрылымдарда, меншік нысандарының барлық компанияларында, мемлекеттік және үкіметтік емес ұйымдарда және әртүрлі қызмет салаларында қажетті.

Бітірушілердің кәсіптік қызмет  нысандары

• Академиялық ғылыми ұйымдар, жоғары және орта оқу орындары;
• Бизнес және кәсіпкерлік субъектілері;
• Функционалдық индустрия және трансұлттық нарықтар;
• Өндірістік, ақпараттық және ғылыми орталықтар;
• Экономикалық, қаржылық, салықтық, инвестициялық, бизнесті басқару органдары (министрліктер, ведомствалық, аудандардың, қалалардың, аудандардың әкімдіктері) және атқарушы органдардың аппараттары;
• Ұйымдастырушылық-құқықтық нысандарына қарамастан, ұйымдардың экономикалық, қаржылық, маркетингтік, кәсіпкерлік, өндірістік-шаруашылық және аналитикалық қызметтері;
• Банк құрылымдары, ұлттық мемлекеттік және жеке компаниялар, коммерциялық емес ұйымдар;
• Қазақстан Республикасының Мемлекеттік қызмет істері және сыбайлас жемқорлыққа қарсы іс-қимыл агенттігі;
• Халықаралық ұйымдар, сыртқы экономикалық қызметтің бөлімшелері, концерндер, корпорациялар және басқалар.

6В04102 – Мұнайгаз  бизнесі  менеджменті

Білім беру бағдарламасының мақсаты  білім алушылардың  жеке қасиеттерін, сондай-ақ шаруашылық жүргізуші субъектілер мен бизнестің қызметін басқарудағы білімі мен дағдыларын, бәсекеге қабілетті еңбек нарығын қалыптастыруға бағытталған, заманауи кәсіпорындар мен нарықтық құрылымдар тарапынан талап етілетін, табысты нәтижеге назар аударуға қабілетті, ұйымдастыру жұмыстары мен басқару іс-әрекетінің дағдыларына ие бакалаврларды дайындау.

Кәсіби сала аясы

Бизнес және  басқару  бакалавры орта деңгейдегі қызметкерлерге немесе басшыларға, сондай-ақ топ-менеджерлерге, HR-менеджерлерге, бренд-менеджерлерге, сауда залдарының әкімшілеріне, персоналды басқарушыларға, даму менеджерлеріне,   барлық меншік нысанындағы ұйымдарда,  кадрлар директорларының орынбасарлары, персоналды басқару бөлімінің бастығы, оқыту менеджерлеріне  қатысты лауазымдарда басқару қызметіне арналған.

Бітірушілердің кәсіптік қызмет  нысандары

• Мұнай-газ саласының шаруашылық субъектілері, ұлттық экономика;
• Экономикалық , қаржылық , салықтық, инвестициялық, кәсіпкерлік басқару органдары (министрліктер, ведомстволар мен агенттіктер);
• Жергілікті атқарушы органдар (аудандардың, қалалардың, облыстардың әкімдіктері) және атқарушы органдардың аппараттары;
• Ұйымдастырушылық-құқықтық нысандарға қарамастан, ұйымдардың экономикалық, қаржылық, маркетингтік, кәсіпкерлік, өндірістік, экономикалық және аналитикалық қызметтері;
• Банк және бизнес құрылымдары;
• Қазақстан Республикасының Мемлекеттік қызмет істері және сыбайлас жемқорлыққа қарсы іс-қимыл агенттігі;
• Ұлттық мемлекеттік және жеке компаниялар, коммерциялық емес ұйымдар, халықаралық ұйымдар, концерндер, корпорациялар және басқалар.

6В04103 – Мұнай-газ бизнесіндегі есеп және аудит

Бухгалтерлік есеп пен қаржылық есептіліктегі қаржылық ақпаратты жинау және қалыптастыру тұжырымдамаларын, нақты ережелерін және қағидаттарын түсінетін білікті бухгалтерлер мен аудиторларды дайындау, бухгалтерлік есеп, аудиттің қазіргі дағдыларына ие болу және субъектінің қаржылық қызметі туралы аудиторлық есепті қалыптастыру.

Кәсіби сала аясы

- қоғамдық мүдделерді ұйымдастыру және басқа да әлеуметтік маңызы бар кәсіпорындар;

- әртүрлі ұйымдық-құқықтық нысандардағы өндірістік және өндірістік емес салалардың ұйымдары, мекемелері және қызметтері;

- банктер, қор биржалары, сақтандыру компаниялары, инвестициялық және зейнетақы қорлары;

- республикалық, облыстық, жергілікті өзін-өзі басқару органдары мен бюджетті жоспарлау (экономиканы басқару, жұмыспен қамту орталығы және т.б.);

- экономиканың әртүрлі салаларында қаржылық есептілікті қалыптастыруды немесе аудитті жүзеге асыратын ұйымдардың экономикалық қызметі;

- барлық меншік нысанындағы кәсіпорындар.

Бітірушілердің кәсіптік қызмет  нысандары

Мамандықтың түлектері – активтері, олардың міндеттемелері, капиталы және іскерлік операциялары, активтердің бөлінуіне және оларды қалыптастыру көздеріне, сондай-ақ түрлі салалардағы ұйымдарға: министрліктер мен ведомстволарға, салық комитеттеріне, ҚР статистика жөніндегі агенттігіне, кәсіпорындар мен ұйымдардың қызметтің түрі, меншік нысанының мөлшері немесе нысаны, басқарушы органдар, ғылыми-зерттеу ұйымдары, банк жүйесі.

6В04104 – Мұнай-газ бизнесіндегі қаржы   

6В04104 – Мұнай-газ бизнесіндегі қаржы мамандығы бойынша қаржы жүйесі, экономика және  басқару аясында еңбек нарығында сұранысқа ие, өз білімдерін және дағдыларын, жаңа буын мамандары және ІТ-қаржы саласындағы ішкі және халықаралық еңбек нарығына сай жүргізе алатын білікті және бәсекеге қабілетті мамандарды дайындау.

Кәсіби сала аясы

- мемлекеттік және жергілікті органдар; республикалық, облыстық, жергілікті өзін-өзі басқару органдарының және бюджетті жоспарлау;

- әртүрлі салалар мен қызмет түрлерінің қаржы ұйымдары; әртүрлі ұйымдық-құқықтық нысандардағы өндірістік және өндірістік емес салалардың ұйымдары, мекемелері мен қызметтері;

- банктердің аналитикалық, инвестициялық бөлімдерінде және корпоративтік қаржыландыру бөлімшелерінде;

- кеңес беру, бағалау, лизинг және сақтандыру компанияларында;

- кәсіпорындардың қаржы бөлімдері; рейтингтік агенттіктер.

Бітірушілердің кәсіптік қызмет нысандары

• бағалау, лизинг және сақтандыру компаниялары;
• инвестициялық компаниялар;
• аудит және консалтингтік компаниялар;
• кәсіпорындардың қаржы бөлімдері;
• әкімдіктер мен қазыналық мекемелердің қаржы бөлімдері;
• кеден органдары;

 

Кафедраның ғылыми-зерттеу жұмысы

ПОҚ ғылыми-зерттеу қызметі ғылыми дәрежесі, атағы, импакт-факторы бар халықаралық басылымдардағы мақалалар саны, БҒСБК ұсынған журналдардағы мақалалар саны, беделді ғылыми басылымдардағы жұмыстардың дәйексөз индексі, түрлі деңгейдегі конференцияларға қатысу, орындалған шаруашылық келісім-шарт жұмыстарының көлемі, гранттар, сыйлықтар және т.б. көрсеткіштер бойынша балмен бағаланады.

Жоспарланған ғылыми жобалар:

«Ұлттық ғылыми-техникалық ақпарат орталығы» АҚ-ға тіркеуге бағытталған, ғылыми-зерттеу жұмысының тақырыбы «Аймақтың экономикалық өсуін қамтамасыз етуде шағын және орта бизнесті зерттеу», жауаптылар: Баймұхашева М.К., Шайкенов Ж.Ш. (ғылыми еңбектердің бірлескен жарияланымдары, монографиялар шығару, ғылыми-практикалық іс-шараларға қатысу). 

«Ұлттық ғылыми-техникалық ақпарат орталығы» АҚ-ға тіркеуге бағытталған, ғылыми-зерттеу жұмысының тақырыбы «Экономиканы әртараптандыру Қазақстан экономикасының тұрақты өсуін қамтамасыз ету», жауаптылар: Избасарова Л.Б., Шагирова Г.К. (ғылыми еңбектердің бірлескен жарияланымдары, монографиялар шығару, ғылыми-практикалық іс-шараларға қатысу).

«Ұлттық ғылыми-техникалық ақпарат орталығы» АҚ-ға тіркеуге бағытталған, «Мұнай-химия өнімдерінің бәсекеге қабілеттілігін арттырудың экономикалық механизмі» ғылыми-зерттеу жұмысының тақырыбы, жауапты Қадырбергенова А.К.., Сарсенгалиев Т.К., (ғылыми еңбектердің бірлескен жарияланымдары, монографиялар шығару, ғылыми-практикалық іс-шараларға қатысу). 

Кафедра түлектерінің жұмысқа орналастырылуы

Кафедраның білім беру бағдарламаларының негізгі серіктестері мен негізгі жұмыс берушілері «Ембімұнайгаз» АҚ, «АМӨЗ» ЖШС, «Ембаведьойл» ЖШС, «ҚазТрансГазАймақ» АҚ, «БАТЫС жүйеаралық электр желілері» АҚ KEGOC, Атырау облысы бойынша Мемлекеттік кірістер Департаменті, Атырау облысы әкімдігінің экономика және бюджеттік жоспарлау басқармасы, Атырау облысы бойынша Ішкі мемлекеттік аудит департаменті, «Fortebank» АҚ АФ, «Жігермұнайсервис» ЖШС, «КазТехМунайСервис» ЖШС, «Атырау» ӘКК Ұлттық компаниясы, Халықаралық және қазақстандық коммерциялық және мемлекеттік мекемелер, мұнай-газ саласының кәсіпорындары тұрақты әріптестер болып табылады.

Сондай-ақ, қаланың өндірістік кәсіпорындарында екі оқу-өндірістік кабинеті (филиалдары) ашылды.

Түлектер жұмысқа орналастырылды:

«Экономика» мамандығы бойынша жұмысқа орналастыру – 89 % мамандық бойынша, барлығы 100%.

«Менеджмент» мамандығы бойынша жұмысқа орналастыру – 83,3% мамандық бойынша, барлығы-100%.

«Есеп және аудит» мамандығы бойынша жұмысқа орналастыру – 78,3 %

«Қаржы» мамандығы бойынша жұмысқа орналастыру – 75%.